Tert.am-ը գրում է.

ԱՄՆ-ն թույլ չի տա Իրանին միջամտել Եմենում ռազմական հակամարտության ընթացքին, հայտարարել է ԱՄՆ պետքարտուղար Ջոն Քերին, գրում է gazeta.ru-ն:

Նրա խոսքով՝ ԱՄՆ-ն լավ տեղեկացված է Եմենի նախագահ Մանսուր Հադիին երկրից արտաքսած հուսիթ գրոհայիններին Իրանի տրամադրած աջակցության մասին։

«Մենք առճակատում չենք փնտրում, բայց չենք թողնի մեր դաշնակիցներին: Մենք կշարունակենք աջակցել նրանց, ովքեր վտանգ են զգում Իրանի հնարավոր գործողություններից»,- հայտարարել է Քերին:

Պետքարտուղարն ընդգծել է, որ ԱՄՆ-ն կաջակցի Մերձավոր Արևելքի երկրներին, որոնք վտանգ են զգում Իրանի կողմից:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել