Fact.am-ը գրում է.
ԱՄՆ-ն պետք է ներառեր Ռուսաստանին իր թիմ եւ հրավիրեր նրան միանալ ՆԱՏՕ-ին ԽՍՀՄ-ի փլուզումից հետո: Այդպես հնարավոր կլիներ խուսափել Ուկրաինայում ընթացիկ զարգացումներից, – ասել է ԱՄՆ նախկին պետքարտուղար Ջեյմս Բեյքերը CNN հեռուստաալիքի The Global Public Square հաղորդման ժամանակ :Հաղորդում է «DW» գործակալությունը: Ըստ Բեյքերի, Ռուսաստանի հետ, Սառը պատերազմի ավարտին, պետք էր վարվել այնպես, ինչպես Երկրորդ համաշխարհային պատերազմից հետո Գերմանիայի եւ Ճապոնիայի հետ, սակայն այդպես չեղավ: Իսկ հիմա, Ռուսաստանի հետ հարաբերությունները գրեթե վերադարձել են այնտեղ, որտեղ եղել են 40 տարի առաջ:
Բեյքերը նաեւ քննադատել է ԱՄՆ-ի արտաքին քաղաքականությունը:
«Մենք չենք կարող ոստիկան լինել աշխարհի համար», – ասել է նա, պատասխանելով Մերձավոր Արեւելքում ամերիկյան գործողությունների վերաբեյալ հարցին:
