Panorama.am-ը գրում է.
«Սպարտակի» նախկին գլխավոր մարզիչ Վալերի Կարպինը Հայաստանի ֆուտբոլի ազգային հավաքականի գլխավոր մարզչի թեկնածու է: Այս մասին հայտնում է sportbox.ru-ն` տեղեկացնելով, որ Կարպինը մոտ ժամանակներս կարող է փոխարինել պաշտոնանկ եղած շվեյցարացի Բեռնար Շալլանդին:
Հիշեցնենք, որ Շալլանդը հրաժարական է տվել Ալբանիայի ընտրանու հետ «Եվրո-2016»-ի հանդիպումից (1:2) հետո: Եվրոպայի առաջնության ընտրական փուլում Հայաստանի ազգային թիմը, 4 տուրում վաստակելով 1 միավոր, գործնականում զրկվել է հաջորդ փուլի ուղեգրի համար պայքարելու հնարավորությունից:
46-ամյա Կարպինը, ով փետրվարին հեռացել է իսպանական «Մալյորկայից», օրերս ժամանել էր Երևան` մասնակցելու լեգենդար ֆուտբոլիստ Խորեն Հովհաննիսյանի ծննդյան 60-ամյակին նվիրված միջոցառումներին: Հենց Երևանում էլ նա հանդիպել է Հայաստանի ֆուտբոլի ֆեդերացիայի ղեկավարության հետ:
Ամբողջական հոդվածը կարող եք կարդալ այստեղ