GalaTV.am-ը գրում է.
Ռուսաստանցի ընդդիմադիր քաղաքական գործիչ Բորիս Նեմցովի սպանության մեջ կասկածվող Զաուր Դադաեւը հայտարարել է, որ սպանության ժամանակ ինքը գտնվել է քաղաքի այլ շրջանում: Նա պնդել է, որ ունի վկաներ եւ ալիբի,- տեղեկացնում է «ՌԻԱ Նովոստի»-ն:
Դադաեւը դատական նիստի ժամանակ հայտնել է, որ ճնշման տակ է խոստովանական ցուցմունքներ տվել: «Ես ցուցմունք եմ տվել ճնշման տակ: Սպառնում էին ինձ եւ իմ ընկերոջը: Այդ պատճառով ես համագործակցեցի»,-նշել է կասկածյալը:
Քննիչներն իրենց հերթին հայտնել են, որ բացի Դադաեւի խոստովանական ցուցմունքներից, կան նրա՝ հանցագործությանն առնչություն ունենալու մի շարք ապացույցներ եւ վկայություններ:
Հիշեցնենք, որ Մոսկվայի Բասմանյան դատարանը մարտի 8-ին կալանավորել էր Զաուր Դադաեւին, ով մեղադրվում է Բորիս Նեմցովի սպանության մեջ: Նա ընդունել էր իր մեղքը սպանությանը մասնակցություն ունենալու մեջ, եւ կալանավորվել էր մինչեւ ապրիլի 28-ը:
