Andranik-GrigoryanAraratnews.am-ը գրում է.

Քիչ առաջ ադրբեջանական քարոզչամեքենան հերթական սադրիչ քայլն է կատարել Հայաստանի ու ԼՂՀ ՊՆ նկատմամբ: Տարածվել է հերթական տեսանյութը ադրբեջանական կողմն անցած հայ զինծառայող Անդրանիկ Գրիգորյանի մասնակցությամբ: Տեսանյութում զինծառայողը ակնհայտ ճնշման տակ արտահայտում է իրականության հետ որևէ աղերս չունեցող մտքեր:

Araratnews.am-ը այս առնչությամբ փորձեց պարզաբանում ստանալ ՀՀ ՊՆ մամլո խոսնակ Արծրուն Հովհաննիսյանից, ով նախապես հորդորեց չտարածել տեսանյութը և հավելեց.

«Ադրբեջանական գերության մեջ եղած ռազմագերու շահագործման օրինակ է` բոլոր նորմերի կոպիտ խախտմամբ»:

Հիշեցնում ենք, որ նշված տեսանյութը մասն է ադրբեջանական քարոզչության, ուստի հորդորում ենք  զերծ մնալ այն տարածելուց:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել