1in.am-ը գրում է.
|
Հայաստանի ազգային հավաքականի նախկին գլխավոր մարզիչ Բերնար Շալանդը հարցազրույց է տվել Le Matin պարբերականին: -Ինչու՞ հրաժարական տվեցիք Հայաստանի հավաքականի գլխավորմարզչի պաշտոնից: -Ես հրաժարական չեմ տվել: |
-Իսկ իրականու՞մ:
-Այո, ես այլևս հավաքականը չեմ գլխավորում, բայց հրաժարական չեմ տվել:
-Իսկ ի՞նչ է տեղի ունեցել:
-Հայաստանի ֆուտբոլի ֆեդերացիայի նախագահի հետ պայմանավորվել էինք, որ համագործակցությունը կդադարեցնենք, եթե «Եվրո-2016»-ին մասնակցելու հնարավորությունը կորցնենք: Եվ այդ օրը եկավ…
-Սև օրը՞:
-Քննարկումը տեղի է ունեցել լիարժեք հարգանքի ու վստահության մթնոլորտում:
-Հիասթափվա՞ծ եք, որ ամեն ինչ այսպիսի ավարտ ունեցավ:
-Մի քիչ հիասթափված եմ: Չեմ կարողանում չմտածել, որ եթե խաղերը տևեին 75 րոպե, մենք 10 միավորով առաջին տեղում կլինեինք, ոչ թե 4-րդը՝ 1 միավորով: Չեմ կարողանում չմտածել որոշ փաստերի մասին, որոնք ազդեցին արդյունքի վրա՝ Սերբիայի հետ խաղում 84-րդ րոպեին չիրացրած 11 մետրանոցը, Ալբանիայի հետ խաղում կարմիր քարտը, Դանիայի հետ խաղում երկու առաջատարների վնասվածքները:
-Հետադարձ հայացք ձգելով կարծու՞մ եք, որ ձեր սահմանած նպատակըխելահեղ էր:
-Այո, բայց ինձ դուր են գալիս նման մարտահրավերները: Իսկապես հպարտ եմ, որ լավ հարաբերություններ եմ ունեցել ֆուտբոլիստների հետ: Նրանք ցանկանում էին, որ ես մնայի:
-Եվ Ձեր ապագայի մասին:
-Հաջորդ տարի կլինեմ 65 տարեկան: Կյանքիս այն հատվածում եմ, որ բաց եմ բոլոր առաջարկների համար: Բայց չեմ պատրաստվում նստել հեռախոսի մոտ ու սպասել առաջարկի: Մեկ բան հաստատ է. ժամանակս չի սպառվել: