Կանաչեղենի փնջում առաջինը հենց այն է աչք ծակում` ռեհանը: Խելացի մարդկանց նախընտրությունը հենց ռեհանի վրա է կանգնում: Այն օժտված է մի շարք օգտակար հատկություններով: Յուրահատուկ համի շնորհիվ ռեհանը դուր է գալիս նույնիսկ ամենաքմահաճ գուրմաններին: Այն նաև խոհանոցային դիզայնի լավ միջոց է:
Ռեհանի 15 հրաշագործությունները:
Ռեհանը բարձրացնում է օրգանիզմի ընդհանուր տոնուսը` առույգացնելով նույնիսկ քնկոտներին:
Վերականգնում է ստամոքս-աղիքային տրակտի աշխատանքը` չթողնելով, որ սնունդն, այսպես ասած, «կանգնի» ստամոքսում:
Ժողովրդական բժշկությունն առաջարկում է ռեհանն օգտագործել՝ որպես հանգստացնող միջոց լոգանք ընդունելիս:
Ռեհանի թուրմն օգնում է հազի, գլխացավի և բորբոքային երևույթների դեպքում:
Կարմրավուն կանաչու եթերայուղը բակտերիասպան հատկություն ունի:
Սթրեսի դեմ բավական հաջող ազդեցություն է ունենում ռեհանի եթերայուղի արոմաթերապիան: Ընդամենը մի քանի րոպե շնչելով ռեհանի խտացված հոտը՝ ձեզ թեթևացած կզգաք:
Ռեհանի յուղը պակաս դրական ազդեցություն չունի նաև անքնության, միգրենի և հոտառության կորստի դեպքում:
Հրաշք յուղն օգնում է նաև ատամի ցավի դեպքում: Պետք է ընդամենը մեկ կաթիլ յուղ խառնել մեկ բաժակ ջրին ու օրվա մեջ 4-6 անգամ ողողել բերանը:
Նյարդային համակարգի հիվանդությունների դեպքում շատ է օգնում ռեհանի թեյը: Պետք է մանր կտրտել տերևները, ցողուններն ու ծաղիկները, մեկ ճաշի գդալ կտրտած բույսը լցնել մեկ բաժակ եռացրած ջրի մեջ, պահել 10 րոպե, հետո այդ թուրմով պատրաստած թեյն ընդունել մեկ քառորդ բաժակի չափով, օրը 4 անգամ:
Նույն այդ թեյը կօգնի նաև փխսման և սրտխառնոցի դեպքում:
Ամբողջ օրվա ընթացքում կպահպանվի ձեր բարձր աշխատունակությունը, եթե վաղ առավոտյան ռեհանի թեյ խմեք` մաքուր բնական մեղրով:
Նրանք, ովքեր վատ են զգում ճանապարհորդելիս, կարող են ռեհանի մի տերև ծամել ավտոմեքենայի ընթացքի ժամանակ ու պահել այն բերանում` մինչև տրանսպորտից իջնելը:
Հնդիկ բժիշկները պնդում են, որ ռեհանը պայքարում է օրգանիզմում առկա ազատ ռադիկալների դեմ, որոնք կարող են առաջ բերել քաղցկեղ:
Ռեհանաջուրը փայլուն մազեր ունենալու ամենակարճ ճանապարհներից է:
Ռեհանը նաև հագուստի ցեցի դեմ լավ միջոց է, այնպես որ պահարաններում կարող եք չոր ռեհանի տերևներ պահել՝ ապահովելով նաև հաճելի բուրմունք:
