1in.am-ը գրում է.
Գիտնականները հայտարարել են, որ Երկրի բնակիչներն անցկացրել են պատմության մեջ ամենատաք ձմեռը։ Կլիմայագետներն արձանագրում են Երկրի վրա կտրուկ տաքացման փաստ։ Այս մասին հայտնում է Direct-press-ը։
Օվկիանոսային և մթնոլորտային հետազոտությունների ԱՄՆ ազգային կենտրոնի մասնագետները նշում են, որ 2015-ի հունվար-փետրվար ամիսները եղել են ամենատաքն աշխարհում՝ օդերևութաբանական դիտարկումների ողջ պատմության ընթացքում։
Մասնավորապես ռեկորդային բարձր ջերմաստիճաններ են դիտվել Ռուսաստանում, Սկանդինավիայում և ԱՄՆ-ի արևմտյան հատվածում։ Միևնույն ժամանակ Կանադայում և ԱՄՆ-ի հյուսիսում հունվար-փետրվար ամիսներին եղել են ուժգին սառնամանիքներ ու ձյան առատ տեղումներ։
Գիտնականները կարծում են, որ 2015 թվականը կարող է դառնալ պատմության մեջ ամենատաք տարին։ Եթե փետրվարը 2014 թվականին եղել է ջերմությամբ 44-րդ տեղում, ապա 2015-ին եղել է առաջինը։