1in.am–ը գրում է.
LAV AG ընկերության, որը պատկանում է Վիկտոր Յանուկովիչի աշխատակազմի նախկին ղեկավար Անդրեյ Կլյուևին և նրա եղբորը, հաշիվները ապասառեցվել են, հաղորդում է Deutsche Welle-ն՝ հղում անելով ընկերության ֆինանսական զեկույցին:
Փաստաթղթում ասվում է, որ կարողության և բանկային հաշիվների սառեցումը չեղարկվել է, քանի որ դատարանում հաջողվել է ապացուցել, որ ընկերությունը փողերի լվացման հետ կապ չունի: Ավստրիական դատախազությունը այդ տեղեկատվությունը առայժմ չի մեկնաբանել:
Միևնույն ժամանակ, ընկերության ղեկավարությունը ընդգծել է ԵՄ-ի կողմից պատժամիջոցների հետևանքով հեղինակությանը հասցված վնասները: «Ընկերության հեղինակությունը գործող և պոտենցիալ գործընկերների աչքերում տուժել է»,- ասվում է զեկույցում:
Կլյուևների ընկերության դեմ գործ է հարուցվել 2014 թ. փետրվարին: Ուկրաինայում Անդրեյ Կլյուևին կասկածում են պետական միջոցների յուրացման մեջ:
