Newsline.am-ը գրում է.
Վրաստանի նախագահի աշխատակազմը հանդես է եկել հայտարարությամբ` Վրաստանի գործող և նախկին նախագահների հանդիպման մասին տեղեկությունը զրպարտություն որակելով:
Apsny.ge-ն, հղում անելով նախագահի աշխատակազմին, տեղեկացնում է, որ Վրաստանի գործող նախագահ Գեորգի Մարվելաշվիլիի և նախկին նախագահ Միխեիլ Սաակաշվիլիի հանդիպում չի եղել, բացի այդ Մարգվելաշվիլիի` Կիևում գտնվելու օրերին Սաակաշվիլին եղել է Վաշինգտոնում:
Վրացական «Ալիա» օրաթերթի տեղեկացմամբ`Կիևում` գաղտնի հանդիպել են Սաակաշվիլին և Մարգվելաշվիլին: Որպես աղբյուր նշելով ուկրաինացի լրագրողներին, օրաթերթը գրում է, որ հանդիպումը տևել է մի քանի րոպե:
Թերթի խմբագիր Գրիգոլ Գագնիձեն նաև հավելել է, որ ինքը տեղյակ չէ, թե ինչ հարցերի մասին է քննարկվել նախկին և գործող նախագահների հանդիպման ընթացքում, սակայն, հավանական է, որ Մարգվելաշվիլին կարճատև հանդիպման ընթացքում նախկին նախագահին տեղեկացրել է իր` խորհրդարանական մեծամասնության դեմ պայքարելու մտադրության մասին:
Հիշեցնենք, որ Վրաստանի նախագահը Կիև էր ժամանել «Արժանապատվության երթին» մասնակցելու համար:
