Newsline.am-ը գրում է․
Ազգային ժողովի Հայ Ազգային Կոնգրես և «Ժառանգություն» խմբակցությունները պատրաստ են քննարկել խորհրդարանական աշխատանքները բոյկոտելու հարցը:
ԲՀԿ քաղխորհուրդն իր խմբակցությանն առաջարկել է մինչև ՓՄՁ-ների ակցիաների ակտիվիստ Արտակ Խաչատրյանի առևանգման դեպքի լիակատար բացահայտումը, մինչև մեղավորներին պատժելը քննարկել Ազգային ժողովի աշխատանքները բոյկոտելու հարցը, ինչն առաջիկայում քննարկելու են նաև Եռյակի մյուս երկու ուժերը:
Newsline-ի հետ զրույցում «Ժառանգություն» խմբակցության ղեկավար Ռուբեն Հակոբյանն ասաց, թե խմբակցությունում բոյկոտին միանալու հարցը չի քննարկվել, բայց կքննարկվի:
«Ես կարծում եմ, որ սա այն գործերից է, որն առաջիկայում կլուծվի ու բանը բոյկոտին չի հասնի, որովհետև օրը ցերեկով, շատ տեսանելի՝ մարդուն տարել են: Իշխանությունն այս գործի բացահայտումը պետք է դիտի որպես իր պատվի հարց, այլապես եթե նման պարզ գործերը չեն բացահայտվում, ժողովուրդն իրավունք ունի մտածելու, որ հետևում իշխանություններն են»,- նշեց Ռուբեն Հակոբյանը:
Ամբողջական հոդվածը կարող եք կարդալ այստեղ
