Մի քանի օր առաջ, երբ մեր բանակի դիպուկահարուհին մի հատ թուրքի էր պառկեցրել, հայկական ամբողջ ինտերնետ դաշտի ջանքերով դիպուկահարուհուն արդարացիորեն հերոսացրին, ամբողջ երկիրն ու երևի աշխարհը սկսեց ճանաչել այդ հայուհուն: Երեկ մեր փառապանծ դատախազներն ու ոստիկանները ձերբակալել են 22-ամյա Մնացական Ալեքսանյանին, ով մասնակցել է Գյումրիի բողոքի ցույցերին: Արդեն տեղեկություն կա, որ Մնացականը երկու տարի առաջ է զորացրվել բանակից, ծառայել է Արցախի արևելյան հատվածում, նշանառու է եղել, երկու թուրք է սատկացրել, պարգևատրվել է: Սակայն այդ տղայի հերոսության մասին երևի ոչ մեկ էլ չի իմացել, էդ տղան համեստորեն ծառայել է հայրենիքին, իր կյանքի գնով պաշտպանել է մեր բոլորի անվտանգությունը, այդ թվում և նրանց, որոնք էսօր էդ տղուն ուզում են փակել: Մնացականն ընդամենը հունվարի 15-ին Գյումրիում Հայատանի ամբողջ իշխանական ու իրավական համակարգի դեմքը պաշտպանել է համաշխարհային խայտառակությունից: Ահա այսպիսի երկակի վերաբերմունք կա հերոսների նկատմամբ:
