Galatv.am-ը գրում է․
Քաղաքացիական ակտիվիստ Վիլեն Գաբրիելյանին, ով ավելի շատ հայտնի է «Նավակ Ճոճող» անունով, մարմնական վնասվածքներ պատճառելու եւ ծեծելու դեպքի առթիվ Երեւան քաղաքի քննչական վարչության Երեւանի Կենտրոն եւ Նորք-Մարաշ վարչական շրջանների քննչական բաժնում հարուցվել է քրեական գործ:
Ակտիվիստը ԳԱԼԱ-ի լրագրողի հետ զրույցում ասաց, որ իրեն երկուշաբթի հրավիրել են հարցաքննության: «Պետք է նորից բացատրություն տամ, ավելի շուտ ասեմ այն, ինչ արդեն ասել եմ»:
Վիլեն Գաբրիելյանը, սակայն նշում է, որ չի կարծում, թե իրականությունը կբացահայտվի:
«Արդեն իսկ կան նմանատիպ դեպքեր, որ չեն բացահայտվել՝ չնայած հնարավոր է նաեւ բացահայտվի: Ես, որ ասում եմ բացահայտվի, միայն նկատի չունեմ այն, որ իրականացնողներին գտնեն, պետք է բացահայտվի նաեւ, թե ովքեր են եղել պատվիրատուները»,- նշեց ակտիվիստը:
Վիլեն Գաբրիելյանը շարունակում է պնդել, որ իրեն ծեծի ենթարկելու հրահանգը տվել է ՀՀ ոստիկանապետ Վլադիմիր Գասպարյանը: Հետո մամուլում հրապարակումներ եղան, թե պատվիրատուն եղել է ՀՅԴ ԳՄ անդամ Հրանտ Մարգարյանը: Շրջանառվող վարկածի համաձայն՝ Հրանտ Մարգարյանը հրահանգել է պատժել ակտիվիստին՝ Վահան Հովհաննիսյանի մասին ֆեյսբուքյան իր էջում գրառում թողնելու համար:
Ամբողջական հոդվածը կարող եք կարդալ այստեղ
