«Գեղեցկուհին ու Հրեշը» խաղարկային կինոնկարում Էմմա Վաթսոնը կմարմնավորի Բելին

«Disney»-ը պաշտոնապես հայտարարել է, որ պատրաստվում է թողարկել «Գեղեցկուհին և Հրեշը» կինոնկարը։ Կինոնկարի ռեժիսորը Բիլլ Կոնդոնն է։ Գլխավոր հերոսուհուն մարմնավորելու է Էմմա Վաթսոնը։ Ժամեր առաջ Վաթսոնն ինքն էլ հաստատել է այդ տեղեկատվությունն իր ֆեյսբուքյան էջում։ Նա մասնավորապես գրել է.

Վերջապես կարող եմ ասել ձեզ, որ մարմնավորելու եմ Բելին «Disney»-ի «Գեղեցկուհին ու Հրեշը» նոր խաղարկային կինոնկարում։ «Գեղեցկուհին ու Հրեշը» այնքան մեծ դեր է խաղացել իմ կյանքում մանկությանս տարիներին։ Ուղղակի հավատս չի գալիս, որ պարելու եմ «Be Our Guest»-ի տակ և երգելու եմ «Something There»-ը։ Ժամանակն է երգի դասերի հաճախել։ Անհամբերությամբ սպասում եմ, թե երբ պետք է տեսնեք այս կինոնկարը։ 

Իսկ այս տղան կսազեր Հրեշի դերի համար։