Lurer.com-ը գրում է.

«Իսլամական պետություն» ահաբեկչական խմբավորումը տարածել է մի տեսանյութ, որում զինյալը սպառնում է սպանել է երկու ճապոնացի պատանդներին, եթե Ճապոնիան նրանց համար փրկագին չվճարի: Այս մասին հայտնել է բրիտանական BBC լրատվական գործակալությունը:

Տեսագրության մեջ դիմակավորված տղամարդը քննադատում է Ճապոնիային` «Իսլամական պետության» դեմ պայքարող երկրներին հովանավորելու համար:

Նա ասել է, որ կսպանի երկու պատանդներին, եթե 200 միլիոն դոլար փրկագինը չվճարվի 72 ժամվա ընթացքում:

Ճապոնիայի վարչապետ Սինձո Աբեն Մերձավոր Արևելքում վեցօրյա շրջագայությամբ ներկայումս գտնվում է Երուսաղեմում:

Սակայն, Kyodo լրատվական գործակալությունը հաղորդում է, որ նա կարող է չեղյալ համարել իր ուղևորությունը` պատանդառության հարցով զբաղվելու համար:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել