Civilnet.am-ը գրում է․
Հունվարի 16-ին պաշտպանության նախարարի առաջին տեղակալ Դավիթ Տոնոյանի գլխավորած պատվիրակության՝ Վրաստան կատարած պաշտոնական այցի շրջանակում ստորագրվել է հայ-վրացական երկկողմ ռազմական համագործակցության 2015թ. պլանը:
Ինչպես հաղորդում են ՀՀ ՊՆ մամուլի ծառայությունից, հայկական պատվիրակությանն ընդունել է Վրաստանի պաշտպանության նախարարի տեղակալ Լեվան Գիրշիաշվիլին: Հանդիպման ժամանակ կողմերը քննարկել են Հայաստանի Հանրապետության և Վրաստանի միջև պաշտպանության ոլորտում երկկողմ համագործակցության ներկան և ապագա հեռանկարները, անդրադարձել են տարածաշրջանային անվտանգության խնդիրներին: Զրուցակիցները նշել են, որ պաշտպանության ոլորտում երկկողմ համագործակցության խորացումը առաջնահերթությունների թվին է դասվում և Հայաստանում, և Վրաստանում: Որպես համագործակցության առանցքային ուղղություն` կարևորվել են ռազմական կրթությունն ու ուսումը:
Ամբողջական հոդվածը կարող եք կարդալ այստեղ
