Cosmo.am-ը գրում է․
Եթե սիրում ես շոկոլադ և այն քո սննդակարգում առկա է ամեն օր, ապա առաջարկում եմ այս համեղ քաղցրավենիքի կիրառման մի քանի ոչ ստանդարտ տարբերակներ:
1.Ավանդակական սուրճը դարձրու անմահական համեղ ըմպելիք` տնական պատրաստման մոկկո: Ավելացրու սուրճի մեջ 1 թեյի գդալ շոկոլադի փոշի (կարելի է նաև կակաոյի փոշի),մի քիչ կաթ և դարչին: Վայելի´ր, շատ համեղ է:
2. Սիրո՞ւմ ես պատրաստել տարատեսակ սոուսներ: Ցանկացածի մեջ կարող ես ավելացնել կակաո: Սոուսը չի ունենա շոկոլադի համ, բայց այն համային յուրահատուկ նրբերանգ կստանա:
3. Շոկոլադե կրեմ գնելու փոխարեն ինքդ այն պատրաստիր: Քո պատրաստածը համով չի զիջի գնած տարբերակին, փոխարենը կլինի շատ ավելի օգտակար, քանի որ չի պարունակի գունանյութեր, կոնսերվանտներ և համի ուժեղացուցիչներ:
Բաղադրիչները
Կարագ 1 տուփ
Աղացած տխիլ (պնդուկ), (կարող ես վերցնել նաև նուշ կամ այլ նախընտրելի ընկույզի տեսակ) մոտ 100 գր
Կակաոյի փոշի 2 գդալ
Խառնիր բոլոր բաղադրիչները մինչև առաջանա միատարր զանգված: Պահիր սառնարանում և ամեն առավոտ վայելիր թեյի կամ սուրճի հետ:
4.Նախաճաշում ես վարսակի փաթիլներով: Մինչ կաթ ավելացնելը վարսակի փաթիլների վրա շաղ տուր քերած շոկոլադ: Նման նախաճաշի շնորհիվ դու ողջ օրը կլինես առույգ և կունենաս բարձր տրամադրություն:
