Վրաստանի նախագահ Գեորգի Մարգվելաշվիլին վետո է դրել խորհրդարանի կողմից նախօրեին ընդունված գաղտնալսումների վերաբերյալ փաթեթի վրա, ըստ որի՝ ՆԳՆ-ն իրավունք է ստանում մուտք ունենալ անձնական տվյալների նկատմամբ: Խորհրդարանը հաստատել է ուղղումները երեք լսումների ընթացքում՝ չնայած ընդդիմության և մեծամասնության մի հատվածի պատգամավորների դժգոհությանը: Համաձայն ուղղումների՝ գաղտնալսման իրավունքը պահպանում է ՆԳՆ-ն, իսկ անձնական տվյալների պաշտպանության պաշտոնակատարն իրականացնում է վերահսկողությունը: Վրաստանի վարչապետ Իրակլի Ղարիբաշվիլին աջակցել է ուղղումներին: «Մենք ճիշտ հավասարակշռություն չենք ստացել պաշտպանվածության և մարդու իրավունքների համար, դրանից ելնելով՝ վետո ենք դնում այդ օրենքների վրա»,- հայտարարել է Մարգվելաշվիլին: Դրա հետ մեկտեղ նախագահը խորհրդարանին ներկայացրել է օրինագծի նոր տարբերակը, որում ֆունկցիոնալ վերադասավորում տեղի կունենա:
1in.am-ը գրում է․
