«Տեւական ժամանակ սառեցված հայ-իրանական տնտեսական ծրագրերը, որոնք վերջին տարիներին ոչ մի կերպ չէր հաջողվում տեղից շարժել, վերջապես սկսել են ակտիվանալ։ Սառույցը սկսել է շարժվել ոչ միայն հայ-իրանական էներգետիկ համագործակցության ոլորտում, այլեւ Հայաստանի էներգետիկ համակարգում։ Վերջին տարիներին այստեղ դարձյալ ի հայտ են եկել խնդիրներ, որոնք ոչ միայն լուծում չեն ստացել, այլեւ գնալով խորացել են։ Դրա վկայություններից մեկն էլ էներգետիկ համակարգում ծագած ֆինանսական դժվարություններն են, որոնց օրերս խորհրդակցության ժամանակ անդրադարձավ նախարարը։ Ոլորտի ֆինանսատնտեսական վիճակը, մեղմ ասած, գնահատվեց ոչ բավարար, կառավարումը՝ անարդյունավետ։ Համակարգի առանցքային օղակներից մեկում՝ բաշխիչ ցանցերում, նախատեսվածից անհամեմատ բարձր է կորուստների մակարդակը։ Սրանք խնդիրներ են, որոնք չլուծվելու դեպքում հետագայում լուրջ բարդություններ են առաջացնելու»։