Նորություն չէ, որ կաթը նպաստում է ոսկրերի ամրությանը, իսկ գազարը լավացնում տեսողությունը: Սակայն որոշակի սննդամթերքներ միասին ուտելով, հնարավոր է ավելի լավ պայքարել հիվանդությունների դեմ: Ներկայացնում ենք մի քանի տարբերակ:

Կալցիում + ինուլին = առողջ ստամոքս, ուժեղ ոսկրեր
Եթե խնդիրներ ունեք մարսողության հետ, պետք է իմանալ ինուլինի մասին, որն օգնում է մարսողական համակարգում «լավ» մանրէների ճիշտ քանակի պահպանմանը: Ինուլինը նաև օգտակար է ոսկրերին, քանի որ նպաստում է կալցիումի յուրացմանը: Ինուլինի լավ աղբյուր են արտիճուկը, սոխը, սխտորը, բանանը, ամբողջական ցորենի ալյուրը և այլն:
Կալցիումի լավ աղբյուր են կաթը, յոգուրտը, պանիրը, բրոկոլին, կաղամբը, սաղմոնը, նուշը, բրինձը և այլն:
Մի քանի տարբերակ.
վարսակի փաթիլների շիլա՝ մեջը կտրտած բանան,
գրիլ արված ծնեբեկ՝ պարմեզան պանրով:

Կալցիում + վիտամին D = ուժեղ ոսկրեր
Մեր օրգանիզմը բավական շատ D վիտամինի կարիք ունի կալցիումի յուրացման համար:
Վիտամին D պարունակվում են՝ սաղմոնը, թունան, ձվի դեղնուցը, նուշը և այլն:
Հետաքրքիր համադրություններ են.
գրիլ արված սաղմոնը՝ կաղամբով,
ձվածեղը բրոկոլիով և պանրով,
թունա ձուկը՝ ցածր յուղայնությամբ պանրով և ամբողջական ցորենի հացով:

Վիտամին E + վիտամին C = սուր տեսողություն
Ուզո՞ւմ եք սուր տեսողություն ունենալ: Ընդունեք E վիտամին, ինչն օգնում է կանխարգելել կուրության գլխավոր պատճառներից մեկը՝ մակուլյար դեգեներացիան, համատեղելով այն C վիտամինի հետ:
Վիտամին E պարունակում են՝ նուշը, գետնանուշը, արևածաղկը և այլն:
C վիտամինի հրաշալի աղբյուր են ցիտրուսները, կիվին, բուլղարական պղպեղը, բրոկոլին, լոլիկը, ելակը, կարտոֆիլը և այլն:
Կարելի է.
գետնանուշի կարագ քսել հացի վրա՝ ավելացնելով ելակներ,
աղցանի մեջ ավելացնել մանդարին և նուշ:

Երկաթ + վիտամին C = ավելի շատ էներգիա
Եթե անընդհատ հոգնածություն եք զգում, հնարավոր է, որ երկաթի պարունակությունն արյան մեջ պակաս լինի: Երկաթն օգնում է թթվածին մատակարարել մկաններին, ուղեղին և ամբողջ օրգանիզմին: Իսկ հիվանդության դեմ պայքարող C վիտամինն օգտակար է ատամների, սրտի և մաշկի համար, օգնում է երկաթի յուրացմանը:
Երկաթ պարունակում են՝ սպանախը, վարսակի փաթիլները, սև և կարմիր լոբիները, կարմիր միսը, ձուն:
C վիտամին պարունակում են՝ ցիտրուսները, պղպեղները, կիվին, ելակը և այլ:
Կարելի է համատեղել հետևյալ կերպ.
սպանախով և նարնջով աղցան,
վարսակի փաթիլների շիլա՝ ելակներով:

K վիտամին + ճարպեր = առողջ ոսկրեր և սիրտ
Ճարպերն օգտակար են, եթե ճիշտ ճարպեր եք օգտագործում: «Լավ» ճարպերը շատ օգտակար են՝ նվազեցնում են «վատ» խոլեսթերինը և օգնում, օրինակ, K վիտամինի յուրացմանը: Իսկ K վիտամինն անհրաժեշտ է ոսկրերի ամրացման և արյան մակարդման համար:
K վիտամինի աղբյուր են սպանախը, բրոկոլին, կաղամբը, բրուսելյան կաղամբը և այլն:
Ճարպերի լավ աղբյուր են ցանկացած տեսակի ընկուզեղենը, ձեթերը՝ ներառյալ զեյթունինը, ավոկադոն և այլն:

Բետա կարոտին + ճարպեր = փայլուն մաշկ
Մոռացեք ծերացման դեմ պայքարող բոլոր քսուկները: Բետա կարոտինը, որի յուրացման համար անհրաժեշտ են ճարպեր, վերածվում է A վիտամինի, ինչն էլ մաշկին տալիս է երիտասարդական փայլ: Վիտամին A-ն օրգանիզմում կենտրոնական դեր ունի առողջ իմունիտետի և վերականգնողական համակարգերի համար, բայց առանց «լավ» ճարպերի, այն չի յուրացվի:
Բետա կարոտինի լավ աղբյուր են գազարը, ծիրանը, քաղցր կարտոֆիլը, պապայան, սպանախը և այլն:
Ճարպերի լավ աղբյուր են ամեն տեսակի ընկուզեղենը, արևածաղկի սերմերը, զեյթունի և այլ ձեթերը, ավոկադոն:
Համադրության օրինակներ.
քաղցր կարտոֆիլը ցողել զեյթունի ձեթով և եփել ջեռոցում,
գազարի հյութ՝ սերուցքով:

Ցինկ + ծծմբային բաղադրիչներ = ուժեղ իմունային համակարգ
Ուշադրություն՝ բոլոր սոխ և սխտոր սիրողներին: Այս 2 կծու բույսերն ավելին են անում, քան ուղղակի ուտեստին համ տալը: Դրանց մեջ պարունակվող ծծումբը նպաստում է ցինկի յուրացմանը:
Ցինկի լավ աղբյուր են բոլոր ամբողջական հացահատիկները՝ ներառյալ դարչնագույն բրինձը և ամբողջական հացահատիկից հացերը:
Ուտեստներ․
դարչնագույն բրինձ՝ կարամելացված սոխով,
ամբողջական ցորենից հացի կտորի վրա քսել թեթև սերուցքային պանիր՝ վրան ավելացնելով մի քիչ կտրտած սոխ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել