Շիրակում տեղի ունեցած ողբերգական ավթովթարի գործով մեղադրյալ վարորդը հոգեբանական, բժշկական օգնության կարիք ունի

Panorama.am-ը գրում է․

Նոյեմբերի 10-ին Շիրակի մարզում տեղի ունեցած ողբերգական ելքով ավտովթարի գործով մեղադրյալ «Կամազ» մակնիշի բեռնատարի վարորդ Մանվել Վարդանյանը գտնվում է շոկային վիճակում, վնասված է նրա գլուխը: Panorama.am-ի հետ զրույցում ասաց նրա պաշտպան, Փաստաբանների պալատի անդամ Լիանա Բալյանը:

«Նա շոկային վիճակում է, ասում է տարեք ինձ ինչքան ուզում եք դատեք: Նոյեմբերի 14-ին Շիրակի մարզի դատախազին եմ դիմել, որ քրեակատարողական հիմնարկից նրան տեղափոխեն «Դատապարատյալների հիվանդանոց», նշանակեն հոգեբան, ցուցաբերեն բժշկական օգնություն»,- ասաց փաստաբանը:

Լ. Բալյանը նաև տեղեկացրեց, որ դիմել է ՀՀ Գլխավոր դատախազ Գևորգ Կոստանյանին՝ բացարկ հայտնելով քննիչին. «Քննիչը միակողմանի մեղադրանք է առաջադրել,  փորձաքննությունների արդյունքներն առանց ուսումնասիրելու՝ ամբողջ մեղքը բարդել է Մանվել Վարդանյանի վրա»:

Վթարի հետ կապված պաշտպանը որևէ բան չհայտնեց՝ ընդգծելով, որ դեռևս փորձաքննության պատասխանները չկա: Լ. Բալյանը նշեց, որ Մ. Վարդանյանը եղել է սթափ վիճակում, այդ մասին է վկայում նաև բժշկական տեղականքը:

«Նրա ընտանիքը ծանր պայմաններում է ապրում: Ընտանիքի միակ աշխատողն է: Ունի անչափահաս երեխա: Ինքն իրեն չի ներում»,- ասաց փաստաբան Լ. Բալյանը:

Ամբողջական հոդվածը կարող եք կարդալ այստեղ