Civilnet.am-ը գրում է․
Սիդնեյի Բոնդի լողափում յուրահատուկ բողոքի ակցիա է անցկացվել ընդդեմ Ավստրալիայի կառավարության՝ Մեծ քսանյակի (G20) գագաթաժողովի օրակարգում կլիմայի փոփոխության խնդրի վերաբերյալ հարցերը չներառելու դեմ։
Ինչպես հաղորդում է Reuters-ը, յուրօրինակ ակցիային մասնակցել է ավելի քան 400 մարդ։ Նրանք լողափում փորել են ոչ մեծ փոսեր և գլուխները թաղել ավազի մեջ։ Այդպիսով՝ ավստրալացիները ակնարկել են, որ Ավստրալիայի վարչապետ Թոնի Էբոտի գործողությունները նման են ջայլամի պահվածքի։ Նրանց կարծիքով՝ Էբոտը վախենում է պատասխանատվություն կրել կլիմայի խնդիրների լուծման համար, և նրա՝ կլիմայի փոփոխությունների հարցում իրականացրած քաղաքականությունը դառնում է ավելի ու ավելի վրդովեցուցիչ։
Համարվում է, որ ջայլամները գլուխները թաղում են ավազի մեջ՝ փորձելով թաքնվել վտանգից։ Ինչևէ, թռչնաբանները բազմիցս հերքել են այս պնդումը։
Ամբողջական հոդվածը կարող եք կարդալ այստեղ
