Երեկ Ազգային Ժողովի հայտարարությունների ժամին Նիկոլ Փաշինյանն իր ելույթում անդրադարձավ ԲՀԿ խմբակցության պատգամավորների հայտարարություններին:

Լսելով Փաշինյանի ելույթը՝ դժվար չէ հասկանալ, որ վերջինս մեղադրեց ԲՀԿ-ին պետության անհաջողություններում: Մինչև ԲՀԿ-ին անդրադառնալը Փաշինյանը խոսեց ոչ իշխանական եռյակի մասին: Պետք է ընդգծել, որ իր՝ Եռյակի վերաբերյալ քննադատական ելույթներում, Փաշինյանը հիմնականում սլաքներն ուղղում է ԲՀԿ-ի կողմը: Ինչևիցե, Փաշինյանի ելույթի պատասխան հայտարարությունն իրեն շատ սպասել չտվեց: Մասնավորապես՝ ԲՀԿ խմբակցության պատգամավոր Վահան Բաբայանն իր ֆեյսբուքյան էջում անդրադարձավ Փաշինյանին, մեջբերեմ. «Այսօր ԲՀԿ-ն կանգնած է Ազատության հրապարակում ու պայքարում է իշխանափոխության համար, ինչը չես ասի Նիկոլի, նրա ձևավորած կառույցի մասին: Թերևս դեռ նման պատվեր չկա, և ի վերջո, ի՞նչ կարիք կա մարդկանց հավաքել կամ ցրտին կանգնել դրսում, եթե կարելի է մեկ-երկու պոպուլիստական ելույթով հայտնվել իշխանական էկրաններին ու կայքերում, միաժամանակ գումար աշխատել»: 
Պատգամավորների վեճն ընդանուր առմամբ այն էր, թե որ քաղաքական ուժն ինչ ռեսուրսներով ու մարտավարությամբ է պայքարում:
Սակայն գլոբալ առումով այս պայքարը այլ քաղաքական ենթատեքստ է իր մեջ պարունակում: Կոնֆլիկտը տրամաբանական է, քանի որ այս երկու ուժերն էլ պայքարում են միևնույն քաղաքական էլեկտորատի համար:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել