Բի Բի Քինգը ԱՄՆ-ում համերգային իր շրջագայությունը հիվանդության պատճառով հետաձգել է

1in.am-ը գրում է.

Կիթառահար Բի Բի Քինգը հիվանդության պատճառով հետաձգել է ԱՄՆ-ում իր համերգային շրջագայությունը, հաղորդում է NYT-ը: 89-ամյա երաժիշտը հոկտեմբերի 3-ին Չիկագոյում ելույթի ժամանակ իրեն վատ է զգացել և որոշել է հրաժարվել արդեն պլանավորած ութ համերգներից, այդ թվում՝ նաև Նյու Յորքում:

Քինգի մամլո ծառայության տվյալներով՝ բժիշկներն այժմ գնահատում են նրա վիճակը: Հաղորդվում է նաև, որ Քինգը ջրազրկված է և հյուծված։

Երաժշտի իսկական անունը Ռայլի Բի Քինգ է: Նա իր կարիերան որպես Բի Բի է սկսել, այնուհետև՝ Beale Street Blues Boy, հետագայում՝ Blues Boy King և վերջիվերջո՝ Բի Բի Քինգ:

Նրա ամենաճանաչված ստեղծագործություններից են՝ Everyday I Have the Blues-ը և The Thrill is Gone-ը: