Esem.am-ը գրում է.
4-ին Կենդանիների պաշտպանության միջազգային օրն է, որը նպատակ ունի մարդկանց ուշադրությունը հրավիրելու մոլորակի մյուս բնակիչների խնդիրների վրա:
Այս օրն առաջին անգամ նշել են Իտալիայի Ֆլորենցիա քաղաքում` 1931 թվականին, 2008 թվականից սկսած օրն ընդունվեց նշել աշխարհի 66 երկրներում:
Օրվա կապակցությամբ ESem.am-ն անդրադարձել է հայտնիների չորքոտանի բարեկամներին և կոչ է անում անտարբեր չլինել մեզ շրջապատող կենդանիների հանդեպ, նրանց վերաբերվել ջերմությամբ:
Սարգիս Գրիգորյան. «Գրաֆն այժմ գտնվում է անասնաբույժերի հսկողության տակ»
Դերասան Սարգիս Գրիգորյանը վերջերս է ձեռք բերել գերմանական «ավչարկա
ցեղատեսակի 2,5 ամսական շնիկին: «Քանի որ հողամաս եմ գնել, որոշեցի այնտեղ անպայման շուն ունենաl ու ձեռք բերեցի մեր շնիկին, որին էլ կոչեցինք Գրաֆ»-ESem.am-ի հետ զրույցում նշեց Սարգիսը և հավելեց, որ Գրաֆը շատ չարաճճի է, այժմ էլ ոտքը վնասելու պատճառով գտնվում է անասնաբույժի մոտ:
Ըստ Սարգսի` չարաճճի լինելուց բացի Գրաֆը նաև շատ քմմահաճ է. «Նախկինում միայն ձեռքից էր ուտում, այն էլ` միայն թարմ միս, իսկ այժմ սովորել է, որ պետք է իր ամփսեից ուտի»:
Դերասանի երեխաները, թեպետ տեսել են իրենց փոքրիկ շնիկին, բայց դեռ չեն կապվել նրա հետ: «Քանի որ Գրաֆն ավչարկա է, ամեն դեպքում մտավախություն կա, որ կարող է վնասել երեխաներին, դրա համար մի քիչ զգույշ ենք»,-խոստովանեց դերասանը:
Սոնա Շահգելդյան. «Հիլդուկս ինձ նման ինքնասածի է»
Երգչուհի Սոնա Շահգելդյանի խոսքով՝ իր համար այս թեման շատ հոգեհարազատ է, քանի որ ինքը շատ է սիրում կենդանիների: «Մեր երկրում թափառական կենդանիներին ինչպես հարկն է չեն խնամում: Չեմ վախենում ասել, որ դա պարզապես ծիծաղելի է: Ինքս զբաղվում եմ կենդանիների բարեգործությամբ և մտադիր եմ բարեգործական համերգներ կազմակերպել, որոնցից ստացված հասույթը կփոխանցեմ թափառական կենդանիների օգնությանը»,-ESem.am-ին ասաց Սոնան:
Սոնայի շնիկը «բալոնկա» ցեղատեսակի է: Արդեն 6 տարի է՝ նա ապրում է երգչուհու հետ: «Հիլդուկս, կարծես, մեր տան անդամը լինի՝ մեր փոքրիկ բալիկը, նա շատ կամակոր է և, ինչպես ասում են, տիրոջ նման ինքնասածի:)»,-նշեց Սոնան:
Երգչուհու խոսքով՝ իրենց տանն իշխողը Հիլդան է և բոլորին ստիպում է ենթարկվել իրեն, Սոնան անգամ մտածում է, որ Հիլդան անպայման կխանդի, երբ ինքը մայրանա:
Շրջագայությունների ժամանակ Սոնան շատ է կարոտում իր շնիկին, սակայն երբեք նրան չի տանում իր հետ: «Շանը պետք է լավ խնամես, եթե չես կարող, ուրեմն պետք չէ շուն պահել, իսկ շրջագայությունների ժամանակ ես չեմ կարող նրան ուշադրություն դարձնել՝ ինչպես հարկն է: Մեկ անգամ մենք միայն մեզ հետ տարել Դիլիջան՝ հանգստանալու, քանի որ նրան տանը մենակ չենք թողնում»,- եզրափակեց երգչուհին:
Ամբողջական հոդվածը կարող եք կարդալ այստեղ