QWwE4acCW_A1in.am-ը գրում է.

Բնապահպանները քննադատել են Ավստրալիայի իշխանություններին, որտեղ սերֆինգիստի վրա մեծ սպիտակ շնաձկան հարձակումից հետո այդ տեսակի երկու ձկներ են սպանվել: Այս մասին հայտնում է BBC-ն:

Ավստրալիայի արևմտյան ափին շնաձուկը կծոտել է տղամարդու երկու ձեռքերը: Հայտնի չէ՝ սպանված կենդանիներից որևէ մեկը կապ ունեցե՞լ է այդ միջադեպի հետ:

Բնապահպանները նշում են, որ շնաձկների ոչնչացումը չի կանխի դրանց հարձակումն ապագայում:

Օգոստոսին Արևմտյան Ավստրալիա նահանգի իշխանությունները հրաժարվել էին շնաձկների սպանդի պլանից՝ բնապահպանական գերատեսչությունների առարկությունների պատճառով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել