Panorama.am-ը գրում է․
Հայաստանի նախագահ Սերժ Սարգսյանի ելույթը՝ ՄԱԿ-ում, ԱԺ պատգամավոր, արտաքին գործերի նախկին նախարար Ալեքսանդր Արզումանյանն ընդհանուր առմամբ գնահատում է դրական: Լրագրողների հետ հանդիպման ժամանակ նա նշեց, որ Հայոց ցեղասանության 100-րդ տարելիցին ընդառաջ անհրաժեշտ է միջազգային ցանկացած ֆորումում բարձրաձայնել այդ խնդիրը, ներկայացնել հայկական կողմի մոտեցումներն այս ողբերգության մասին:
«Պատեհ առիթ էր օգտագործել ամբիոնն ու խոսել այդ խնդրի մասին»,- ասաց Ա. Արզումանյանը:
Պատգամավորը նաև նշեց, որ նախագահ Ս. Սարգսյանն իր ելույթով ցույց տվեց, որ Հայաստանը ՄԱԿ-ի Անվտանգության խորհրդի բանաձևերի հետ որևէ խնդիր չունի, ինչպես արդեն 19 տարի է բարձրաձայնում են Հեյդար Ալիևը, Իլհամ Ալիևը:
«Ընդհակառակը, ՄԱԿ-ի բանաձևերով հայտարարվում է, որ կոնֆլիկտը Ադրբեջանի ու Լեռնային Ղարաբաղի միջև են, Հայաստանին հորդորում են չաջակցել, որպեսզի չծավալվի: Այս առումով նույնպես կարևոր է»,- ասաց Ա. Արզումանյանը:
Ինչ վերաբերում է հայ-թուրքական արձանագրությունները հետ կանչելուն, ինչի մասին իր ելույթում ասել է նաև Հայաստանի նախագահը, քաղաքական գործիչն ասաց, որ պետք է հետևողական լինել. «Վերադառնալուց հետո պետք է հանդիպի խորհրդարանի ղեկավարության հետ, քննարկի, մենք խորհրդարանում որոշենք՝ ինչ ճակատագիր է սպասվում այդ չարաբաստիկ արձանագրություններին»:
Ամբողջական հոդվածը կարող եք կարդալ այստեղ
