1in.am-ը գրում է.
Ֆրանսիան ակնկալում է պահպանել աշխարհի ամենահզոր տնտեսություններից մեկի իր վարկանիշը՝ բարեփոխումների շնորհիվ, որոնք երկրի կառավարությունն իրականացնում է 2012 թվականից: ITAR-TASS-ի հաղորդմամբ՝ այսպիսի հայտարարություն է արել երկրի նախագահ Ֆրանսուա Օլանդը:
«Ֆրանսիան, որն աշխարհում 5-րդ տնտեսական տերությունն է, մտադիր է բարեփոխումների հաշվին, որոնք իրականացնում է, մնալ այդ մակարդակի վրա»,- Երկրորդ համաշխարհային պատերազմի ժամանակ Պրովանսում դաշնակիցների զորքերի ափհանման 70-ամյակին նվիրված հանդիսավոր միջոցառման ժամանակ ասել է Օլանդը:
Նախագահը նաև նշել է, որ Ֆրանսիան կշարունակի հետագայում ևս հաստատել իր դերը որպես հիմնական խաղացողներից մեկը համաշխարհային քաղաքական ասպարեզում: «Ֆրանսիան՝ ֆրանսիացի ազգն է, որի հետ հաշվի են նստում աշխարհում, միջազգային ասպարեզում, ազգ, որը ստանձնում է պատասխանատվություն ապահովելու անվտանգությունը Եվրոպայում, ինչպես և անվտանգությունը մոլորակի վրա»,- ասել է նա:
Օլանդի հայտարարությունը հնչել է ընթացիկ տարվա երկրորդ եռամսյակի պաշտոնական վիճակագրական տվյալների հրապարակման հաջորդ օրը, որոնց համաձայն՝ Ֆրանսիայի ՀՆԱ-ն այդ ընթացքում զրոյական աճ է ունեցել:
