Cosmo.am-ը գրում է.
Ընկերոջդ հետ անմոռանալի ժամանակ անցկացնելու համար ամենևին էլ պարտադիր չէ, որ սպառեք ձեր բանկային հաշիվների ողջ գումարը:
Պարզիր` երբ է հաջորդ շոուն
Ընտրիր, ասենք, որևէ հինգշաբթի երեկո՝ ակումբում հումորային շոու դիտելու համար: Ամռանն ակումբներում ցածր գներով նման շոուներ հաճախ են կազմակերպվում:
Սուզվիր ջրի հատակը
Հրաշալի տրամադրություն կարող է հաղորդել լողազգեստով ողջ օրը միասին անցկացնելը: Չունե՞ս անձնական լողավազան։ Հոգ չէ. հյուրանոցները սովորաբար նման ծառայություններ առաջարկում են: Մի քանի զանգ, և ժամանցն ապահովված է։ Մնում է սլանալ այնտեղ:
Թեթև կինոնկար փնտրիր
Կրքոտ գիշերներին կինոթատրոններում ուղեղը տեղեկություններով ծանրաբեռնելը լավ միտք չէ: Որևէ անիմաստ բլոկբաստերի փոխարեն փորձիր ընտրել թեթև ֆիլմ` հարուստ սեքսուալ տեսարաններով, այնպես, որ արդեն կեսից երկուսդ էլ անհամբեր սպասեք ֆիլմի ավարտին... Նման ֆիլմ կարող է լինել, ասենք, «Կոկո Շանելն ու Իգոր Ստրավինսկին»: Այն ֆրանսիական նորաձևության դիզայների ու ռուս կոմպոզիտորի հարաբերությունների մասին պատմող ժապավեն է:
Լուսնին դիմավորելիս
Շենքի տանիքին լուսնին դիմավորելն արտակարգ գաղափար է: Չմոռանաս ծածկոց վերցնել ու նաև մի քիչ գինի` անհրաժեշտ տրամադրություն ապահովելու համար:
Միասին կարուսել գնացեք
Գտիր ձեր թաղամասին մոտ որևէ հարմար ու հաճելի զվարճավայր, հագիր ջինսե կարճ տաբատ ու ընկերոջդ հետ ուղևորվիր այնտեղ: Խենթ արկածները խենթ զգացողություններ են առաջացնում:
Վերագտիր մանկությունդ
Սեփական այգու ցնցուղի տակ վազվզելը կարող է հիմար արարք թվալ, բայց միևնույն ժամանակ անասելի սեքսուալ լինել, հատկապես երբ ընկերոջդ հետ ես ու կիսամերկ: Գնիր ցնցուղ (այն հաստատ թանկ չէ), ամրացրու այն այգու ցանկապատից ու կանչիր նրան դուրս` խաղալու:
Ընթրիք գողտրիկ միջավայրում
Մայթերին տեղակայված սրճարաններ կարելի է հաճախել նաև անցորդներին հետևելու համար: Սակայն բացօթյա գողտրիկ վայրերը ռոմանտիկ միջավայրի համար ավելի հարմար են: Ուսումնասիրությունների համաձայն՝ շատ ռեստորաններ հիմա բացօթյա սեղաններ են առաջարկում: Փորփրիր ինտերնետը` հարմար տարբերակ գտնելու համար:
Ծլկիր աշխատանքից՝ հանուն պաղպաղակի
Եթե երկուսդ էլ ամռանն առավոտից մինչև երեկո աշխատում եք, ողբերգության պատճառ չէ: Օրվա կեսին հաջողացրու հանդիպում կազմակերպել` միասին պաղպաղակ ուտելու համար: Երկու պաղպաղակ վերցրու, ու գնացեք մոտակա կանաչ գոտի, պառկեք խոտերի մեջ, լիցքաթափվեք... ու համբուրվեք՝ մոռանալով, որ պաղպաղակները հալչում են: Քանի դեռ միասին եք, օգտվիր առիթից՝ գտնելով տարածքում մշտապես գործող պաղպաղակի վաճառքի կետեր...
Արևն իր հետ լավատեսություն է բերում
Ապացուցվել է, որ ջերմ եղանակն ու պայծառ արևը տրամադրություն են բարձրացնում, նպաստում են հիշողության պահպանմանը և ավելի կառուցողական մտքերի ի հայտ գալուն: Դրական արդյունք ստանալու համար պետք է առնվազն 30 րոպե արևի տակ անցկացնել: Ուրեմն, արագ քսիր արևապաշտպան քսուք և գնա զբոսայգի: