ArmnewsTV.am-ը գրում է.
Բրյուսելում Եվրոպայի խորհրդի գրասենյակում կայացել է Եվրամիության անդամ երկրների Արտաքին գործերի նախարարների խորհրդի նիստը, որից հետո էլ հանդիպել են ԵՄ Արևելյան գործընկերության երկրների ԱԳ նախարարները: Երկու հանդիպումների հիմնական թեմաներն էին Իրաքի ու Ուկրաինայի ճգնաժամերը և Մալայզիական ավիաուղիների Բոինգ 777-ի ողբերգական կործանումը:
Եվրամիության արտաքին քաղաքականության պատասխանատուն անդրադարձել է նաև Եվրամիության առջև ծառացած մարտահրավերներին և պառակտման նոր վտանգին: Էշթոնը նշել է, որ Եվրամիության ղեկավար պաշտոնների թեկնածուների հարցը դեռ բաց է, դա խոչընդոտում է որոշումների կայացմանը: Մինչև թեկնածուների հաստատումը, Բրյուսելում հաստատվել են Ուկրաինական ճգնաժամը հաղթահարելուն ուղղված քայլերը: Եվրապատվիրակները քննարկել են Ռուսաստանի դեմ պատժամիջոցների նոր փաթեթը:
Եվրամիության անդամ երկրների Արտաքին գործերի նախարարները Ռուսաստանի դեմ հնարավոր առանցքային տնտեսական պատժամիջոցները հաստատելու համար դիմել են Եվրահանձնաժողովին:
Տեսանյութը կարող եք դիտել այստեղ
