Բարև ընթերցող ջան, երկար պարապուրդից հետո որոշեցի վերադառնալ, որովհետև ցանցը միապաղաղ ա դարձել առանց ինձ (հա, գիտեմ, համեստությունից չեմ մեռնի): Ու որ գալուստս լինի ձկանաչքավարի, ասի մեր սիրելի քաղաքական գործիչներին սեր խոստովանող շարք սկսեմ: Առաջին հերոսս Շմայս Փաթաթօղլուն ա: Շատ եմ «սիրում» իրան ու դրա համար ունեմ 10 պատճառ.
1. Շմայսի դեմքը բարեգթություն է ճառագում... աչքերը փակելու աստիճան
2. Նրա ողջ կեցվածքը պարզապես ճչում է, որ նրա մեջ են բազմաչարչար հայ ժողովրդի ողջ ցավն ու դժվարությունները, բայց նա պատրաստ է շարունակել տանել այդ խաչը
3. Բացի բարեգթությունից, նրա սֆաթը... էհ, քանդակագործների համար մուսա ծառայող դեմքը բարձր ինտելեկտի մասին է հուշում (էնքան բարձր, որ գլուխը դրան չի հասնում)
4. Շմայսը, անկասկած, շատ քաջ է եղել ու միշտ ողջ հասակով է կանգնել թշնամու դեմ (որովհետև սենց պուզայով պառկեր՝ ոտերն ու ձեռները օդում կմնային)
5. Մաչոյական կեցվածքը Շմայսն է մշակել
6. Շմայսը փաթթելու մեծ մասնագետ է, ու միշտ պատրաստ է ցուցադրել իր տեխնիկա
7. Հայկական լեռնաշխարհի առաջին արական սեռի ներկայացուցիչն է՝ կայուն հղիության սինդրոմով
8. Նա միշտ պատրաստ է ձեռք մեկնել... քյաբաբ վերցնելու համար
9. Նա ապացուցեց, որ նենգ ռուսները հայերից են գողացել Կոլոբոկի կոնցեպտը
10. Նա շատ է սիրում կանանց ու իսկական ջենթլմեն է, հատկապես, երբ հերթը հասնում է կանանց մասին արտահայտվելուն
