«Շանթ» հեռուստաընկերությունը ունի բազմաբնույթ շոու ծրագրեր:Շրջանցելով այդ հաղորդումների լեզվական ու բովանդակային թերությունները` ցանկանում եմ անդրադառնալ մի շատ կարևոր փաստի:Նկատած կլինեք,որ այս հեռուստաընկերության շոու ծրագրերը վարում են նույն մարդիկ ` Արամ MP3-ը,Ավետ Բարսեղյանը: Կոնկրետ ինձ համար հոգնեցուցիչ է` նույն մարդկանց, նույն հեռուստաընկերության եթերում անընդհատ տեսնելը և այն էլ` օրը մի քանի անգամ: «Հայ սուպերսթար»,«Ժողովրդական երգիչ»,«X-ֆակտոր»,«Իմ անունն է» և այլ նախագծերի մշտական վարողներից արդեն հոգնել ենք,որովհետև նույն ձայնն է,նույն վարելու տեխնիկան, նույն խոսքերն ու նույն շարժումները :Այս ալիքը նոր հեռուստադեմքերի կարիք ունի և չպետք է բոլոր հին ու նոր նախագծեր «խցկի « իր«լեգենդներին»:Գուցե այս հաղորդավարները լավ են կատարում իրենց գործը և Դուք կփորձեք մեկնաբանություններով պաշտպանել Ձեր «կուռքերին»:Ասելիքս նրանց տաղանդավոր և կրթված լինելուն չի վերաբերում,բայց կարիք չկա ,որ նրանք իրենց մշտական ներկայությամբ ձանձրացնեն հեռուստադիտողներին :Կարելի է սահմանափակվել մեկ-երկու հաղորդում վարելով , որ հեռուստադիտողը իրենց անհամբերությամբ սպասի:Ճիշտ է , այս դեպքում նրանց հոնորարները ցածր կլինեն ,բայց հեռուստադիտողների նյարդերը ավելի քիչ կքայքայվեն:Եթե հաշվի առնենք նաև այն փաստը,որ Ավետ Բարսեղյանը որպես ժյուրիի անդամ ընդգրկված էր «Իմ անունն է»,«Հայ սուպերսթար» նախագծերում և վարում էր «Ուլտրա մութ»,«Ով է ուզում դառնալ միլիոնատեր» խաղերը,իսկ Արամ – MP3-ը «Վիտամին» ակումբի անդամ է և հանդես է գալիս հաղորդման շրջանակներում` ուրեմն մենք ստիպված ենք ամբողջ շաբաթվա ընթացքում «վայելենք» նրանց ներկայությունը: «Շանթ» հեռուստաընկերության հաջորդ հայտնի «դեմքն» է Գարիկը, ով բացի «Վիտամին» ակումբում հանդես գալուց և «Կանխիկ հումոր» ծրագրում ծիծաղելուց ` նաև այս կամ այն երաժշտական նախագծում ժյուրիի անդամ է «նշանակվում» («Հայ սուպերսթար»,« X-ֆակտոր») և իր «շատ կարևոր» կարծիքներով փորձում է ապացուցել իր երաժշտության «գիտակ « լինելը :Դե Ավետ Բարսեղյանն էլ իր համար ստեղծել է «երազած տղու» կերպար և ամեն պատեհ առիթի դեպքում չի զլանում իրեն հռչակել «ամենահայեցի, ամենագրագետ,ամենա-ամենա» հաղորդավար ու երգերի խոսքերի հեղինակ(չնայած մասնագիտությամբ կարծեմ պատմաբան է և իրեն երաժշտագետի տեղ է դրել և վեհ կարծիքներ է հայտնում մասնակիցների կատարումների վերաբերյալ և հաճախ եթերում հնչեցնում է ոչ հայեցի արտահայտություններ):Իսկ երկուշաբթի ,«Ժողովրդական երգիչ» 3 նախագծի արդյունքների անփոփման ժամանակ , մասնակից աղջկան առաջարկեց պարել և բարձրաձայն ասաց,թե«մեկ էլ երբ՞ ես հնարավորություն ունենալու պարել իմ նման հանճարի հետ»:Կարծում եմ, սա արդեն ինքնասիրահարվածության և «աստղայինով» տարված լինելու ապացույց է,որովհետև «հանճարը « չէր կարող խախտել մեր Սահմանադրությունը և մեր խորհրդանիշ Դրոշի նարնջագույնը փոխարիներ ծիրանագույնով և այս օրինախախտման համար մնար անպատիժ(լավ է դեռ չի որոշել փոխել ու իր կողմից գրված խոսքերը տեղադրել մեր Օրհներգի ներկայիս բառերի փոխարեն,պետության վրա այդ քայլը` ֆինանսական առումով` շատ թանկ կնստի): Ի տարբերություն Ավետի` իրական ՀԱՆՃԱՐՆԵՐԸ լինում են ավելի համեստ և զուսպ:«Մեծն» Ավետ Բարսեղյանը իր վրա է վերցրել հայկական նոր բառեր ստեղծելու «ծանր պարտականությունը» և եթերում համպատրաստի զբաղվում է նորարարություններով և ստեղծում հայկական բառակազմության օրենքներին չհամապատասխանող նոր բառեր (օրինակ` գրագիտվեք): «Շանթ» հեռուստաընկերությունը կարծես թե <գործ» է անում այս մի քանի հաղորդավարների և երգիչ-երգչուհիների հետ,որովհետև բոլոր երաժշտական նախագծերում գրեթե նույն «գիտակներն « են կարծիք հայտնում:,Ինչ± է մեր երկրում ավելի պրոֆեսիոնալ երաժիշտ-մասնագետներ չկան,որ միայն այդ մի քանիսին է վստահված ապագա երգիչներ «ընտելու» գործը:Ամեն դեպքում, այս հեռուստաընկերությունը իր եթերում չունենալով որևէ ուսուցողական,գիտահանրամատչելի ծրագիր , փորձում է լսարան գրավել «լյալյա-լյուլյուներով» և ձևավորել թույր կարծիք,որ 3-4 ամսում, լավ թիկունք ունենալու դեպքում` կարելի է դառնալ «հայտնի» երգիչ ( իսկ նախագծերի շատ մասնակիցներ ,5 տարի Կոնսերվատորիայում սովորած լինելով հանդերձ` չեն կարողանում բավարարել «քմահաճ» և «պրոֆեսիոնալ» ժյուրիի անդամների «պահանջները»):Հուսանք,որ «Շանթ» հեռուստաընկերությունը մոտ ապագայում կփոխի իր եթերային քաղաքականությունը:
