1in.am-ը գրում է.
Թուրքիայի բնակչությունը կորցրել է վստահությունը դատական համակարգի հանդեպ՝ ասել է երկրի վարչապետ Ռեջեփ Թայիփ Էրդողանը: Այս մասին փոխանցում է TRT Haber հեռուստաալիքը:
Նրա խոսքով՝ հարցումների համաձայն՝ Թուրքիայում դատական համակարգի մարմինները բնակչության վստահության աստիճանով գտնվում են վերջին տեղում՝ այլ պետական մարմինների համեմատ:
Էրդողանը նշել է, որ դատական համակարգի հանդեպ վստահության կորուստը կարևոր խնդիրներից մեկն է, սակայն այդ խնդիրը կլուծվի:
Ինչպես հաղորդվել է ավելի վաղ, փոխվարչապետ Բաշիր Աթալայայի խոսքով՝ վստահությունը դատական համակարգի հանդեպ օրեցօր նվազում է:
Անկախ կառույցների անցկացրած վերջին հարցումները ցույց են տվել, որ երկրում դատական համակարգի հանդեպ վստահությունը կազմում է առնվազն 45 տոկոս՝ ասել է Աթալայան:
«Քաղաքացիների 55 տոկոսը կարծում է, որ դատարանը չի կայացնում արդար որոշումներ»,- նշել է նա:
