ArmnewsTV.am-ը գրում է.
Եվրախորհրդում նախագահող Ադրբեջանը բոլոր հնարավոր միջոցներով փորձում է օգտագործել հնարավորությունը Հայաստանին վնասելու համար, բայց ստացվում է ճիշտ հակառակը: ԵԽԽՎ կաշառված պատգամավորների միջոցով Բաքուն փորձում է առաջ քաշել հակահայկական բանաձև: Հայաստանը դատապարտող բանաձևի տակ ստորագրել է 58 պատգամավոր:
Եվրախորհրդի պատգամավորները նախքան հակահայկական բանաձևի քննարկումը դատապարտել են Ադրբեջանի նախագահությունը Եվրոպայի խորհրդում, խոսել այդ երկրում տիրող բռնությունների ու կոռուպցիայի մասին: Առանձին դատապարտել են փաստը, որ Բաքվի իշխանությունը Ղարաբաղ այցելելու համար Ֆրանսիայի պատվիրակության ղեկավարին արգելել էր մասնակցել Բաքվում անցկացվող ԵԽԽՎ միջոցառմանը:
ԵԽԽՎ պատգամավորների քննադատությունների տարափը շարունակվել է Ադրբեջանում տիրող բռնությունների օրինակներով: Պատգամավորները Մամեդյարովին հիշեցրել են, որ Ադրբեջանը երկիր է, որտեղ անգամ սոցցանցերում ու համացանցում ակտիվ լինելը կարող է հանգեցնել քրեական պատասխանատվության:
Երեքշաբթի քննադատությունների տարափին կփորձի դիմակայել Ադրբեջանի նախագահը, նստաշրջանը կավարտվի հունիսի 27-ին:
Տեսանյութը կարող եք դիտել այստեղ
