Panorama.am-ը գրում է.
«Ուկրաինայում ներկա ստատուս քվոն, այսինքն՝ այսօր ստեղծված իրավիճակն անընդունելի է և պետք է փոխվի»,- այս մասին «Deutsche Welle» պարբերականի փոխանցմամբ, Ֆրանսիայում Ռուսաստանի նախագահ Վլադիմիր Պուտինի հետ հանդիպման ժամանակ հայտարարել է Մեծ Բրիտանիայի վարչապետ Դևիդ Քեմերոնը:
Աղբյուրը գրում է, որ Դևիդ Քեմերոնը առաջին արևմտյան առաջնորդն է, ով հանդիպել է Ռուսաստանի նախագահ Վլադիմիր Պուտինի հետ Ուկրաինայում սկսված ճգնաժամից հետո: Հանդիպումը սկսվել է առանց ձեռքսեղմումների:
Ըստ պարբերականի՝ հանդիպման ընթացքում Քեմերոնը «հստակ ուղերձ» է հղել Պուտինին՝ մասնավորապես նշելով, որ նախագահական ընտրությունների անցկացումից հետո Ուկրաինան հնարավորություն ունի դառնալ «հաջողակ, խաղաղ և կայուն երկիր»:
Ավելի վաղ Մեծ Բրիտանիայի վարչապետը հայտնել է, որ մտադիր է հայտարարել Ռուսաստանի հետ հարաբերությունների կարգավորման համար անհրաժեշտ մի շարք նախապայմանների մասին, այդ թվում պնդել, որ Մոսկվան ճանաչի Պյոտր Պորոշենկոյին՝ որպես Ուկրաինայի ընտրված նախագահ և դադարեցնի Ուկրաինայի արևելքում ապստամբներին ցուցաբերվող աջակցությունը:
Ամբողջական հոդվածը կարող եք կարդալ այստեղ
