Panorama.am-ը գրում է.
Ուկրաինայի նախկին նախագահ Վիկտոր Յանուկովիչը, նրա որդիները և վերջիններիս մերձավոր շրջապատի շուրջ վեց ներկայացուցիչ դատական գործընթաց են սկսել ընդդեմ Եվրոպական միության կողմից սահմանված պատժամիջոցների: Այս մասին տեղեկացնում է բելգիական « EUObserver» առցանց պարբերականը:
Յանուկովիչը և իր շրջապատը դատական հայցով պահանջել են ապասառեցնել իրենց հաշիվներ: Հայտ ներկայացրած վեց անձանց շարքում են նախագահի աշխատակազմի նախկին ղեկավար Անդրեյ Կլյուևը և նրա մեծահարուստ պատգամավոր եղբայր Սերգեյը, աշխատակազմի ղեկավարի նախկին տեղակալ Անդրեյ Պորտնովը, նախկին վարչապետ Նիկոլայ Ազարովն ու նրա որդի Ալեկսեյ Ազարովը, ինչպես նաև հայտնի գործարար Սերգեյ Կուրչենկոն:
Նշվում է նաև, որ Յանուկովիչը և որդիները լրացուցիչ երեք առանձին դատական գործեր են ներկայացրել: Ընդհանուր առմամբ բոլոր դատական հայցերը ներկայացվել են այս տարվա ապրիլի 29-ից մինչև մայիսի 15-ն ընկած ժամանակահատվածում:
Ամբողջական հոդվածը կարող եք կարդալ այստեղ
