Azatutyun.am-ը գրում է.
Նախագահ Սերժ Սարգսյանը մոտ օրերս կանդրադառնա Եվրասիական տնտեսական միությանը Հայաստանի անդամակցելու գործընթացների վերաբերյալ հարցերին, ի պատասխան «Ազատության» հարցի՝ հայտնել է նախագահի մամուլի քարտուղար Արման Սաղաթելյանը։
«Ազատության» հարցերին, թե մասնավորապես, ո՞րն է Հայաստանի պաշտոնական արձագանքը մայիսի 29-ին Աստանայում՝ Եվրասիական բարձրագույն տնտեսական խորհրդի ընդլայնված նիստի ժամանակ, Ղազախստանի նախագահի հնչեցրած այն հայտարարությանը, թե Հայաստանը կառույցին պետք է անդամակցի ՄԱԿ-ի կողմից ճանաչված սահմաններով, այսինքն՝ առանց Լեռնային Ղարաբաղի, և պատրա՞ստ է արդյոք պաշտոնական Երևանը շարունակել անդամակցության շուրջ բանակցությունները ու անդամակցել՝ այդ նախապայմանով, նախագահի մամուլի խոսնակը պատասխանել է. - «Ձեր նշած հարցերի վերաբերյալ արդեն իսկ բազմաթիվ մեկնաբանություններ են հնչել տարբեր պաշտոնատար անձանց կողմից։ Ինչ վերաբերում է Եվրասիական տնտեսական միությանը Հայաստանի անդամակցելու գործընթացների վերաբերյալ այլ հարցերին, ապա տեղեկացնեմ, որ ՀՀ նախագահ Սերժ Սարգսյանը մոտ օրերս առիթ կունենա դրանց անրադառնալու»։
