ՀԱՐՑ
Սեռական հարաբերություն ունենալիս ես միշտ պաշտպանվում եմ՝ պահպանակ եմ օգտագործում, սակայն վերջերս պարզվեց, որ ինձ մոտ սեռավարակ կա: Հնարավո՞ր է պահպանակով սեռական հարաբերության ժամանակ սեռավարակի փոխանցումը:
ՊԱՏԱՍԽԱՆ
Պահպանակով սեռական հարաբերություն ունենալու դեպքում սեռավարակների փոխանցումը հնարավոր է մի քանի պատճառներով.
1) Պահպանակ արտադրողը միշտ նշում է, որ այն պաշտպանվելու բացարձակ միջոց չէ:
2) Կրկնակի օգտագործման դեպքում,
3) Երկարատև սեռական ակտի դեպքում նվազում է պահպանակի քսուքը, ինչն էլ պահպանակի վրա միկրոճաքերի առաջացման պատճառ է դառնում:
4) Հաճախ սկզբում սխալ են հագցնում պահպանակը, հետո հանում և շրջում են, եթե զուգընկերը ունի խնդիրներ (սեռավարակներ), ապա այն կփոխանցվի նաև զուգընկերուհուն:
5) Պահպանակի ամբողջականությունը կարող է խախտվել երկար ժամանակ ոչ նպաստավոր վիճակում պահելու պատճառով (գրպան, դրամապանակ և այլն):
Վրեժ ՇԱՀՐԱՄԱՆՅԱՆ
Մ. Հերացու անվան
ԵՊԲՀ սեքսոլոգիայի ամբիոնի դասախոս,
սեքսոպաթոլոգիայի կլինիկայի
բժիշկ-սեքսոպաթոլոգ,
բժշկական գիտությունների թեկնածու
