1in.am-ը գրում է.
Ֆրանսիայում Եվրախորհրդարանի առաջիկա ընտրություններին ընտրողների մասնակցությունը խոստանում է լինել ռեկորդային ցածր: Le Figaro-ի հրապարակած հարցման համաձայն՝ քվեարկությունից ուղիղ մեկ շաբաթ առաջ ֆրանսիացիների 63 տոկոսը մտադիր չէ մասնակցել ընտրություններին: Եվրախորհրդարանի ընտրությունները կկայանան մայիսի 25-ին:
Ֆրանսիայում առավել հստակ լսելի են եվրասկեպտիկների ձայները: Աջ ծայրահեղական Ազգային ճակատը, որը հանդես է գալիս ազգային արժույթի վերադարձման օգտին և դեմ՝ եվրոպացի պաշտոնյաների թելադրանքին, ժողովրդականությամբ զգալիորեն գերազանցում է իշխող Սոցիալիստական կուսակցությանը՝ 22 տոկոսն ընդդեմ 16 տոկոսի:
Հարցման մասնակիցների մոտ 40 տոկոսը հայտարարել է, որ քննադատաբար են գնահատում նախագահ Ֆրանսուա Օլանդի քաղաքականությունը, և որ դա որոշիչ գործոն կդառնա Եվրախորհրդարանի ընտրության ժամանակ:
