Panorama.am-ը գրում է.
Բելառուսը չի արգելափակի Եվրասիական տնտեսական միության ստեղծման համաձայնագրի ստորագրումը: Նման հայտարարությամբ է հանդես եկել Բելառուսի նախագահ Ալեքսանդր Լուկաշենկոն: Փոխանցում է «Լենտա.ռու»-ն:
«Մենք չենք արգելափակի Եվրասիական տնտեսական միության ստեղծման համաձայնագրի ստորագրումը: Եթե մենք չենք կարող մեծ քայլ անել, ապա մենք կփորձենք առաջ շարժվել ավելի փոքր քայլերով»,- լրագրողների հետ հանդիպման ժամանակ նշել է Լուկաշենկոն:
Վերջինս միաժամանակ տեղեկացրել է, որ ՌԴ նախագահ Վլադիմիր Պուտինի հետ ունեցած քննարկումների արդյունքում Բելառուսին անհանգստացնող մի շարք հարցերի մասով պարզություն է մտցվել, սակայն «այդուհանդերձ պետք է հասկանալ, որ մենք այնտեղ գնացել ենք ոչ դատարկաձեռն և ինչ-որ բան խնդրելով, դա եղել է փոխհամաձայնություն»:
«Մենք պայմանավորվել ենք, որ աստիճանաբար կնվազեցնենք մաքսավճարների դրույքաչափերը: Մոտակա տարում վերջիններիս կեսը կմնա բելառուսական բյուջեում, ենթադրում եմ, որ դա կկազմի 1.5 մլրդ դոլար»,- նշել է Լուկաշենկոն` միաժամանակ ավելացնելով, որ առաջիկա երկու տարում այս խնդիրը կստանա իր լուծումը:
Ամբողջական հոդվածը կարող եք կարդալ այստեղ
