Հայ շոու բիզնեսի ներկայացուցիչներից (երգիչներ եւ երգչուհիներ) ոմանք արդեն հանգստացել են, ոմանք հանգստանում են, իսկ մի մասն էլ դեռ չի որոշել, թե որտեղ եւ երբ է հանգստանալու:
Այսպես, երգիչ Էրիկը հանգիստը եւ աշխատանքը համատեղելով արդեն եղել է Բաթումիում, իսկ սեպտեմբերին ընկերների հետ պատրաստվում է մեկնել հանգստի Եվրոպա, մասնավորապես Գերմանիա կամ Իտալիա, կամ էլ Դուբայ:
Դերասան, հաղորդավար, երգիչ Արսեն Գրիգորյանը (Խուճուճ) եւս մեկ շաբաթ հանգստացել է Վրաստանում` Քոբուլեթիում, որտեղ նկարահանել է իր «Կամիլբլոգը»:
Երգչուհի Աիդա Սարգսյանը եւս համատեղել է հանգիստը եւ աշխատանքը, նա երեխայի հետ մեկնել էր ԱՄՆ եւ Ավստրալիա` համերգների:
Իսկ երգչուհի Սիրուշոն իր ընտանիքի անդամների, ծնողների հետ ամառային հանգիստը անց էր կացնում Հունաստանում:
Զարուհի Բաբայանը նոր է վերադարձել հանգստից, ընտանիքի հետ 10 օր նա անցկացրել է Բուլղարիայում:
Հուլիսին Սոնա Շահգելդյանը հանգստի կմեկնի Իտալիա` ընտանիքի հետ, իսկ Հասմիկ Կարապետյանը հանգստի մեկնելու է օգոստոսին, հնարավոր է մեկնի Հունաստան:
Երգչուհի Անահիտ Սիմոնյանը եւ երգիչ Հայկոն դեռ չեն որոշել, թե որտեղ են հանգստանալու:
Էմմին եւս դեռ չգիտի` երբ եւ որտեղ է մեկնելու հանգստի, բայց դա կլինի օգոստոսի վերջին եւ ոչ Հայաստանում:
Իսկ երգչուհի Ջուսը այս տարի եւ մյուս տարի չի հանգստանալու, քանի որ զբաղված է նոր տեսահոլովակներ նկարահանելով:
Նյութը՝ News.am-ից
