Որոշ մարդիկ նախընտրում են մի փոքր ծուլանալ ու իրենց խաղաղ հանգիստը վայելել ծովափին, մյուսներն էլ նախընտրում են սուր զգացողություններ ապրել: Եթե դուք պատկանում եք վերջին խմբի մարդկանց, ապա անպայման պետք է փորձեք այս 10 բանը:
1 Ավստրալիայում լողալ գիշատիչ կոկորդիլոսների հետ
Հազարավոր մարդիկ ամեն տարի այցելում են Ավստրալիա՝ լողալու հինգմետրանոց կոկորդիլոսների հետ, այսպես կոչված, «Մահվան վանդակում»: Իհարկե, մարդիկ այստեղ պաշտպանված են, այնուամենայնիվ, սուր զգացողությոունների պակաս, համոզված եղեք, որ չեք ունենա:
2 Սքայդայվ՝ Էվերեստի վրայով
Էվերեստի վրայով սքայդայվը Ձեզ ոչ միայն 8900 կմ բարձրության աննկարագրելի գլխապտույտ առաջացնող զգացողություններ կպարգևի, այլև մեծ բարձրությունից ապշեցուցիչ տեսարանների ականատես կլինեք:
3 Լող՝ Ֆինլանդիայի սառցեպատ ջրում
Ասում են՝ Ֆինլանդիայի սառցեպատ ջրերում ընկղմվելուց հետո անփոխարինելի մեծ էներգիա ես ստանում:
4 Մարաթոնյան վազք անապատում
Իհարկե, չափազանց շոգ ու չոր տարածության մեջ վազքն այնքան էլ լավ գաղափար չէ, այնուամենայնիվ, Մարաթոն դես Սաբլեսին մասնակցությունը, անկասկած, դիմացկունության, գոյատևման ու խոչընդոտները հաղթահարելու սուր զգացողություններ կպարգևի:
5 Թռիչք ինքնաթիռի վրա՝ Միացյալ Թագավորությունում
Ձեր մտքով երբևէ անցե՞լ է ինքնաթիռի մեջ նստելու փոխարեն նստել դրա վրա: Եթե այո, ապա ունեք այդ հնարավորությունը:
6 Տունդրա Բագի մեքենայով զբոսանք՝ բևեռային արջերին տեսնելու համար
Տունդրա Բագիով արկածը իսկական խենթություն է: Սա յուրահատուկ արկած է, որը ձեզ կտանի այնպիսի վայրեր, որտեղ շատ քչերը կարող են ճամփորդել:
7 Սավառնիր անկշռելիության միջավայրում՝ ինչպես տիեզերքում
Անկշռելիության զգացում կյանքում գոնե մեկ անգամ պետք է զգալ: Հատուկ հարմարացված Բոինգ 727 ինքնաթիռը աղեղնաձև թռիչք է իրականացնում անկշռելիության միջավայր ստեղծելու համար` ձեզ հնարավարություն տալով ճախրել՝ ինչպես տիեզերքում:
8 Աշխարհի ամենաարագ «ամերիկյան բլուրներ» ատրակցիոնը
Ֆորմուլա Ռոսան գտնվում է Աբու Դաբիում: Սա աշխարհի ամենաարագ ատրակցիոնն է, որի արագությունը հասնում 67մ/վ-ի:
9 Թռիչք իսկական ռեակտիվ ինքնաթիռով
Սա, թերևս, սուր զգացողությունների սիրահարներից շատերի երազանքն է: Այս ռեակտիվ ինքնաթիռը նույնիսկ ինքներդ կարող եք վարել ու ցանկության դեպքում օդում տարբեր հնարքներ կատարել:
10 Արշավ աշխարհի ամենավտանգավոր արահետով
Կամինա դել Ռեյը աշխարհի ամենավտանգավոր արահետն է, որն անցնում է հսկայական կիրճի ժայռերի վրայով՝ Իսպանիայի Մալագա արվարձանում:
