Կայացավ Ռուբեն Հայրապետյան-Հայաստանի ազգային հավաքականի երկրպագուներ հանդիպումը

Խոսելով Հայաստանի ազգային հավաքականին վերաբերող հարցերի մասին, ՀՖՖ նախագահն ասաց հետևյալը. «Մեր հավաքականն ունի բաց տեղեր, բայց երբ հաղթում է, գտնում ենք, որ ամեն ինչ լավ է: Չեմ ասում, որ մեր պաշտպանները լավագույնն են աշխարհում: Երբ 11 ֆուտոլիստ կատարում են մարզչի հանձնարարությունները, այդ դեպքում և պաշտպանությունն է ուժեղ երևում, և հարձակումը: Ռուսաստանի դեմ խաղում մեր թիմի կեսը չէր կարողանում վազել, ի՞նչ եք պատկերացնում, ոնց պիտի լիներ մեր պաշտպանության վիճակը, բայց եկեք ամեն ինչ չբարդենք պաշտպնների վրա»:

Հայրապետյանը, խոսելով Հայաստանի ազգային հավաքականի և Մոսկվայի «Սպարտակի» հարձակվող Յուրա Մովսիսյանի մասին, նշեց, որ Յուրան արդեն վերականգնվում է, նա սկսելու է գոլեր խփել. «Գիտեք ինչի է Յուրան լավ կորպուսով խաղում, որովհետև երիտասարդ տարիքում նրան հայ մարզիչի ձեռք չի կպել: Եթե մարզիչը ճիշտ աշխատի ֆուտբոլիստի հետ, ապա այդ ֆուտբոլիստը կարող է հզոր ֆուտբոլիստ դառնալ:Յուրա Մովսիսյանը, կտեսնեք, խփելու է գոլեր, քանի որ արդեն իր ոտքերը, մկանները ենթարկվում են իր ուղեղին: Յուրան կռվող, պայքարող տղա է: Թեկուզ հիվանդ էլ լինի, ամեն ինչ անում է, որ լավ խաղա, պայքարում է մինչև վերջ, բայց պիտի ասեմ, որ այդպես էլ չի կարելի. ավելի շատ է վնասում իրեն»:

Հաջորդ ֆուտբոլիստը Էդգար Մանուչարյանն էր. «Էդգար Մանուչարյան այն օրը երկու պատահական գոլ խփեց, ու բոլորը սկսեցին, որ պետք է նա հրավիրվի հավաքական: Ես երազում եմ այդ օրվա մասին, բայց դա տղան չի խաղում, պատահական գոլ է խփում, սկսում է հարցազրույցներ տալ: Ինքն իրա ձեռքով կործանում է իրեն. դեռ 27 տարեկան է, հնարավորություն ունի, բայց...ժամանակին մի ամսագիր էր ձեռքիս ընկել, որի մի էջում Մեսսին էր, մյուսում Մանուչարյանն էր ու դեռ 17 տարեկան:Մանուչարյանի նման հզոր ֆուտբոլիստ ես դեռ չեմ տեսել, բայց այդ տղան չի խաղում, չի մտածում իր մասին»: