Ուկրաինայի հայերի միությունը Քեսաբի հարցով դիմել է միջազգային հանրությանը

Tert.am-ը գրում է.

Ուկրաինայի հայ համայնքը դիմում է միջազգային հանրությանը՝ խիստ միջոցառումներ ձեռնարկելու և Սիրիայի հայաբնակ Քեսաբ ավանի վրա իրականացված հարձակումը դատապարտելու կոչով։

Ինչպես տեղեկացնում է AnalitikaUA.net կայքը, Ուկրաինայի հայերի միության նախագահ Վիլեն Շատվորյանը նշել է, որ իրենք արդեն երկար ժամանակ է՝ հետևում են Սիրիայի իրադարձություններին և մշտական շփման մեջ են այդ երկրի հայ համայնքի հետ։

«Համաշխարհային հանրության աչքի առաջ Քեսաբում այժմ ողբերգություն է տեղի ունենում, որը մեզ հիշեցնում է այն, ինչ մենք արդեն վերապրել ենք մեր պատմության ավելի հին էջերում։ Մենք չենք կարող հաշտվել այդ անարդարության հետ»,- ասել է Ուկրաինայի հայերի միության նախագահը։

Ամբողջական հոդվածը կարող եք կարդալ այստեղ