Ilur.am-ը գրում է.
Ցավոք, չկան ղարաբաղյան հակամարտության խաղաղ կարգավորման հասնելու տեսանելի արդյունքներ: Ինչպես հաղորդում է ԱՊԱ-ն, այդ մասին ապրիլի 2-ին մամուլի ասուլիսի ժամանակ հայտարարել է Ադրբեջանում ԵՄ-ի դեսպան Մալենա Մարդը: «ԵՄ-ն բանակցային կողմ չէ, սակայն այն աջակցում է ԵԱՀԿ Մինսկի խմբի ջանքերին»,- նշել է Մարդը:
Եվրոպացի դիվանագետի խոսքով, 2013 թ. Եվրոպական հարևանության քաղաքականության ծրագրի շրջանակներում Ադրբեջանի առաջընթացի վերաբերյալ ԵՄ զեկույցում առկա է հանձնարարկան՝ թույլ տալ ԵՄ ներկայացուցիչներին այցելել Լեռնային Ղարաբաղ ու հարակից շրջաններ:
«Մենք ցանկանում ենք մասնակցել մարդկանց միջև վստահության կառուցմանը: ԵՄ-ն ուզում է, որպեսզի երկու կողմերը շահեն այդ իրավիճակում»,- հայտարարել է Մ. Մարդը:
Նյութի աղբյուր՝ http://www.ilur.am/news/view/27466.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
