1in.am-ը գրում է.
Ղրիմի թաթարների մեջլիսը կոչ է անում բոյկոտել Ղրիմը Ռուսաստանի կազմում ներառելու վերաբերյալ տեղական հանրաքվեն, որը նշանակված է մարտի 16-ին: Այս մասին է հայտարարել Մեջլիսի նախագահ Ռեֆատ Չուբարովը:
«Ղրիմի թաթարների մեջլիսը չի ընդունում հանրաքվեն: Համապատասխանաբար, կոչ է անում Ղրիմի բնակիչներին, անկախ ազգությունից, բոյկոտել դրա նախապատրաստման բոլոր փուլերը, ինչպես նաև հանրաքվեի օրն անցկացվող քվեարկությունները»,- ասել է նա АТR հեռուստաալիքի եթերում: Չուբարովը բացատրել է, որ այդ որոշումը կայացվել է դեռ հանրաքվեի ամսաթվի փոփոխումից առաջ, գրում է pravda.com.ua-ն:
Չուբարովը միջազգային հանրությանն է դիմել Ղրիմի տարածք ՄԱԿ-ի խաղաղապահ ջոկատ անհապաղ ուղարկելու խնդրանքով: Նա կարծում է, որ դա անհրաժեշտ է Ղրիմում թուլացնելու համար լարվածությունը, որը կարող է զանգվածային զոհերի պատճառ դառնալ:
