1in.am-ը գրում է.
Ուկրաինայի նախագահի պարտականությունները ստանձնած Ալեքսանդր Տուրչինովը երկրի նախկին վարչապետ Յուլյա Տիմոշենկոյին թույլ է տվել մասնակցել նախագահական ընտրություններին, հաղորդում է նախագահի կայքը:
Հաղորդվում է, որ նախագահի կողմից ստորագրված ռեաբիլիտացման մասին օրենքը վերաբերում է անձանց, որոնց հանդեպ դատավճիռ է կայացրել 2010 թ. փետրվարի 1-ից մինչև 2014 թ. մարտի 1-ը, և որոնց բողոքների հիման վրա մարդու իրավունքների եվրոպական դատարանը սահմանել է Մարդու իրավունքի և ազատությունների պաշտպանության մասին 18 կոնվենցիայի հոդվածի խախտում:
Օրենքի համաձայն՝ ռեաբիլիտացվել են նախկին վարչապետ Յուլյա Տիմոշենկոն և ՆԳ նախկին նախարար Յուրի Լուցենկոն:
Ավելի վաղ ՈՒԴԱՐ կուսակցության առաջնորդ Վիտալի Կլիչկոն հայտարարել էր, թե «Բատկիվշչինա» կուսակցության ղեկավար Յուլյա Տիմոշենկոն մտադիր է առաջադրվել Ուկրաինայի նախագահի պաշտոնին:
