Panorama.am-ը գրում է.
Ռուսաստանի նախագահ Վլադիմիր Պուտինը Գերմանիայի կանցլեր Անգելա Մերկելի հետ ունեցած հեռախոսազրույցում համաձայնել է ստեղծել Ղրիմում իրավիճակը հետաքննող խումբ, որը կգործի ԵԱՀԿ հովանու ներքո: Այս մասին հաղորդում է «Lenta.ru»էլեկտրոնային պարբերականը:
Գերմանիայի կառավարության ներկայացուցիչ Գեորգ Շտրայտերի խոսքով՝ Պուտինը համաձայնել է քաղաքական երկխոսություն սկսել Ղրիմում ստեղծված իրավիճակի կարգավորման ուղղությամբ: Թե ինչպես և երբ է գործելու այդ խումբը, այլ մանրամասներ չեն հաղորդվում:
Հեռախոսազրույցի ընթացքում Մերկելը մեղադրել է Պուտինին միջազգային համաձայնագրերի խախտմամբ Ուկրաինա «անթույլատրելիորեն ներխուժելու» համար: Գերմանիայի կանցլերը կոչ է արել ՌԴ նախագահին հարգել Ուկրաինայի տարածքային ամբողջականությունը:
Կրեմլի պաշտոնական կայքում ասվում է, որ Մերկելի հետ հեռախոսազրույցում Ռուսաստանի կողմից արվող քայլերը Պուտինը համարժեք է համարել Ուկրաինայում ստեղված «էքստրաօրդինար իրավիճակի» պայմաններում:
Հիշեցնենք, որ 2014թ.-ի մարտի 1-ին ՌԴ նախագահ Վլադիմիր Պուտինը ստացել է Դաշնային խորհրդի համաձայնությունը Ռուսաստանի քաղաքացիների անվտանգությունն ապահովելու նպատակով զինված ուժեր մտցնել Ուկրաինայի տարածք:
Ամբողջական հոդվածը կարող եք կարդալ այստեղ
