Tert.am-ը գրում է.
Ռուսաստանը և Գերմանիան կողմ են, որ ուկրաինական ճգնաժամից դուրս գալու ելքը պետք է գտնվի հենց ուկրաինացիների կողմից: Այս մասին տեղեկացնում է «Իտար-տասս» լրատվական գործակալությունը՝ հղում անելով Ռուսաստանի և Գերմանիայի արտաքին գործերի նախարարների հայտարարություններին:
«Դա կլինի ուկրաինական ժողովրդի շահերին համապատասխան»,- նշել է Սերգեյ Լավրովը և միաժամանակ ավելացրել,- «Հույս ունենք, որ Ուկրաինայի մյուս բոլոր գործընկերները ևս այդպիսի մոտեցում կցուցաբերեն»:
ՌԴ արտաքին գործերի նախարարի խոսքով Ռուսաստանը դեմ չէ Ուկրաինայում արտաքին միջնորդական ջանքերի կիրառմանը, եթե այդ մասին խնդրում են իշխանությունը և ընդդիմությունը:
Գերմանիայի արտաքին գործերի նախարարը անդրադառնալով խնդրին՝ նշել է. «Այս պահին ամեն ինչ կախված է Կիևում հակամարտող կողմերից»: Ըստ նախարարի՝ այս առումով արդեն նկատելի են իրավիճակը հարթելու համար միմյանց ընդառաջ գնալու քայլեր:
Ամբողջական հոդվածը կարող եք կարդալ այստեղ
