1in.am-ը գրում է.
Չինաստանում այսօր նշվում է երկրում ամենասիրված տոներից մեկը՝ Լապտերների տոնը: Ավանդաբար այն անցկացվում է ըստ Լուսնային օրացույցի՝ Նոր տարվա գալստից հետո 15-րդ օրը՝ երկշաբաթյա ամանորյա զվարճանքներով: Այս մասին հայտնում է ITAR-TASS-ը:
Տոնն ունի հարուստ պատմություն: Համարվում է, որ այն սկսել է երկրում նշվել դեռ Խան դինաստիայի ժամանակներից (մ.թ.ա. 206-ից մինչև մ.թ. 220 թվականը):
Այս օրը չինացիները քաղաքի փողոցներում կախում են լապտերներ, որոնք խորհրդանշում են երջանկություն և բարեկեցություն:
Լապտերները պատրաստվում են ամենատարբեր ձևերով ու հաճախ այն ամենից, ինչ հայտնվում է ձեռքի տակ:
Այս օրը չինացիները հավաքվում են ընտանեկան սեղանի շուրջ և ուտում ավանդական ուտեստներ: Չինացիներն այցելում են նաև տաճարներ ու բուրավետ փայտիկներ վառում իրենց ազգականների համար:
